Strasbourg de roja 50‘ine­­: Rewşa 3 çalakwanan giran a

Grevê vêşanîye yê bêdem-bêagêrayîşî yê Starsbourgî yo ke semedê wedartişê tecrîdê serê Rayberê Şarê Kurdî Abdullah Ocalanî yeno viraştene, kewt roja 50’ine. Çalakwanan ra rewşa Yuksel Koç, Kerem Solhan û Gulîstan Îke giran a.

 14  çalakwanê ke ke semedê wedartişê tecrîdê serê Rayberê Şarê Kurdî Abdullah Ocalanî Strasbourgî de grevê vêşanîye de yê rewşa înan çend şino xirabêr bena. Çalakwanan ra Yuksel Koç û Kerem Solhan  ameyîbî berdene bi nêweşxane û dima ra gerîyayîbî  binê muşahade. Çalakwane Gulîstan Îke ya ke rewşa ci giran a, gerîyaye binê muşahede.

Dr. Fahrettîn Gulşeno ke ke rewşa çalakwan ca de teqîp keno dazanayene ke Yuksel Koç û Kerem Solhanî ra dima rewşa  Gulîstan Îke zî giran bîya  û binê kontrolî de ya û vat ke rewşa çalakwanan bînan zî çend şino xirabêr bena û beno ke çîyêkê nênî waştenê bêrî qewimîyayene. Gulşenî vist vîrî ke çalakî kewta roja 50’ine û  coka rewşa çalakwanan zaf hesas a û vat ke ganî êyê ke çalakwanan zîyaret kenî ê zî dîqet bikerê.