Swîsre de seba weçînayîşê 14ê gulane raydayîş vizêr qedîya. 105 hezar û 821 weçînitoxan ra se ra 56.74ê ci weçînayîşan de raye daye. Kesê ke qeydê înan Swîsre de yê la hema raye nêdaye zî eşkenê heta 9ê gulane Almanya, Avusturya û Fransa de yan zî heta 14ê gulane gumrukan de raye bidê.

Weçînayîşanê 2018î de se ra 49.4ê weçînitoxan ray dabî. 

Swîsre de wextê raydayîşî de ge ge komanê ke nîşanê 'bozkurtî' kerdêne provakasyon kerd. Hetê bînî ra Sersefîrîya Tirkîya ya Swîsre nê weçînayîşan de zî çapemenîya kurdan rê dişmenîye kerde. Serseferîye nêverda ke Zurih de rojnamegero kurd Erdogan Zamur bikewo merkezê raydayîşî.

Rayê ke Swîsre de dîyayê, roja sêşemeyî şaristanê Munihî yê Almanya ra pê teyara bierşawîyê Tirkîya. Xebatkaranê Partîya Çep a Keske yê Swîsre da zanayene ke ê pê bawer ê ke rayanê Swîsre de do biba partîya yewîne.

Îstatîstîkê Pêroyî

Swîsre

Hûmara Weçînitoxan: 105.821

Hûmara Weçînitoxanê Raye Daya: 60.048

Mîqdarê Tewrbîyayîşî: 56.74
 

Zurih

Hûmara Weçînitoxan: 69.141

Hûmara Weçînitoxanê Raye Daya: 34.514

Mîqdarê Tewrbîyayîşî: %49.91

Cenevre

Hûmara Weçînitoxan: 13.448

Hûmara Weçînitoxanê Raye Daya: 13484

Mîqdarê Tewrbîyayîşî: %100.26
 

Bern

Hûmara Weçînitoxan: 23.232

Hûmara Weçînitoxanê Raye Daya: 12.051

Mîqdarê Tewrbîyayîşî: %51.87