Swîsre de seba turê diyînî yê weçînayîşanê serekkomarîye yê Tirkîya raydayîş dewam keno. Şar bi xurtî tewrê weçînayîşî beno.

Swîsre de roja verêne de 18 hezar û 902 kesan raye daye. Roja yewşemeyî zî hûmara raydayîşî bîye 21 hezar û 977.

Swîsre de seba raydayîşî meydanê Messe yê Zurichî de 18, Sersefîrîya Berze ya Bernî de 6 u Sersefîrîya Cenevre de 7 sindoqî ronîyayî. Roja diyîne de Zurich de 12 hezar û 256 kesî, Cenevre de 5 hezar û 137 kesî, Bern de 4 hezar û 404 kesî rayê xo dayî. Verê sindoqan de rêzê dergî virazîyayî. 

Koordînasyonê Weçînayîşî yê Partîya Çep a Keske seba weçînayîşan bêmabên xebitîyeno.