Swîsre, Fransa û Swed de komplo ameye protesto kerdene
Bajarê Lûzernî yê Swîsre, bajaranê Montperllîer û Marsîlya yê Fransa û bajaranê Stockholm, Borlange û Gavle yê Swedî de kopmploya mîyanneteweyî ameye protesto kerdene.
Bajarê Lûzernî yê Swîsre, bajaranê Montperllîer û Marsîlya yê Fransa û bajaranê Stockholm, Borlange û Gavle yê Swedî de kopmploya mîyanneteweyî ameye protesto kerdene.
Bajaranê Swîsre Fransa û Swedî de bi çalakîyan komploya 9ê teşrîna verêne ameye şermezar kerdene.
LÛRZERN
Bajarê Lûzernî yê Swîsre de serrgêra komplo de çalakîya xêmî ameyî viraştene. Çalakvanan binê pankartê ‘Ocalan rê azadîye, Kurdîstan rê statu‘ de derheqê tecrîdê Îmrali de broşurî vila kerdî û azadîya Ocalanî waşt.
MONTPELLÎER
Bajarê Montperllîerî yê Fransa de zî bi çalakîyêka komplo ame şermezar kerdene. Çalakvanan diqet ant muhîmîya Ocalanî ser o û da zanayene ke heta azadîya Ocalanî do çalakîye înan dewam bikerî.
MARSÎLYA
Bajarê Marsîlya ya Fransa de zî rayberîya Ciwanên Azad de mîtîngêk ame viraştene. Bi seyan kesî tewr mîtîngî bî û Ocalanî rê giredayenê xo ramojna. Çalakvanan welatê Ewropa waşte ke wa vera tecrîdî bêveng memanî.
STOCKHOLM
Peytextê Swedî Stockholmî de zî rayberîya cinîyan yê kurdî de çalakîyêk ameye viraştene. Çalakvanan komplo û tecrîdê Îmrali şermezer kerd û da zanayene ke heta azadîya Ocalanî do têkoşînê înan biramo.
BORLANGE
Bajarê Borlange de zî rayberîya Ciwanên Azad de komplo ameye şermezar kerdene. Çalakvan dîyar kerd ke Ocalan planê komplokaran pûç vetî û ê zî xetê Rayberê xo de do têkoşîn xurt bikerî.
GAVLE
Bajarê Gavle de zî bi vengdayîşê Ciwanên Azad xeylê kesî ameyî pêser û bi rayîrraşîyayîşêko meşaleyin komplo şermezar kerd û waştişê azadîya Ocalanî arde ziwan.