Wezîrê Karanê Teberî yê Swîsre Îgnazîo Cassîs bi vatişanê wuşkan hêrişê dagirkerîye yê dewleta Tirkî verba Vakur û Rojakewtena Sûrîye şermezar kerdî û vat, "Tirkîya bi hewayêkê nêdîyî qanûnê mîyanneteweyî binpay kerdî."
Îdareyê Swîsre zî hêrişê îşxalkarîye yê dewleta Tirkî şermezar kerdî. Wezîrê Karanê Teberî Îgnazîo Cassîsî medya ra Swîsre rê qisey kerd û bi hewayêkê wuşkî hêrişê dewleta Tirkî rexne kerdî.
Cassîsî vist vîrî ke verba Tirkîya tehdîtêk çinebi la hêriş kerd û va: "Na rewşe yena meneya binpaykerdişê qanûnî yê Neteweyê Yewbîyayeyî. Tirkîya bi hewayo ke heta nika nêame dîyene qanûnê mîyanneteweyî binpay kerdî." Selahîyetdarê Swîsre qesawetê xo yê pîlbîyayîşê alozîye rê herême de rîyê hêrişê Tirkîya ard ziwan û vat, "Ma behsa şerêkî kenê. Seba ke no şer giranêr nêbo ganî ma xîret bikê."
