Ziwannas û Serekê verênî yê Enstîtuyê Kurdkî yê Îstanbulî Samî Tanî hêrişê nîjadperestî yê vera kurdkî ANFyî rê ercnayî.

Tanî bale ante ser ke key rewşa sîyasî xirab biba hêrişê vera kurdkî û kurdan zêdîyenê. Tanî pare kerd ke kesê demokratî zî goreyê rewşe têgêrenê. Tanî vist vîrî ke Dîdeme Arslana ke bernameyê xo de dişmenîya kurdkî kerda, bi xo kurd a la hêrişê kurdkî kena.

Tanî vat: ''Bi taybetî serranê 2000an de hişmendîya tekpereste tay şikîyaye la dima îqtîdarî îtîfaqê neweyî kerdî. Îqtîdar agêra kodanê tekperest, asîmîlasyonîst û înkarkeran. Na hişmendîya tekpereste tewr zaf tesîrê kultur û ziwanê kurdan kerd.

Vera tekperestî û şovenîzmî têkoşînêko hîra lazim o. Ganî ma firsendanê pîya ciwîyayîşî awan bikerê. Ekolojî ra heta heqanê cinîyan, kede ra heta warê kulturî terzê têkoşînêkê hîrayî lazim o.Çunke ne heqî binê tehluke û hêrişan de yê. Rayîrê çareserîye zî pê têkoşînê hîrayî yeno destvistene.''