Meclîsê Cinîyan ê HDPyî bi wesîleya 1ê Êlule Roja Haştîye ya Dinya bi şîarê 'Cinîyî vera şerî, talan, tecrîd û nîjadperestîye haştîye pawenê' qezaya Tetwanî ya Bedlîsî de kombîyayîşêk kerd.

Wekîlê HDPyî Huda Kaya, Dîlane Dîrayet Taşdemîr, Şevîne Coşkun, aktîvîstê TJA, Mayê Haştîye û xeylêk cinîyê herême tewrê kombîyayîşî bîyî.

Taşdemîre kombîyayîş de qisey kerd û vat: ''Cinîyî her ca de têkoşîn kenê.Zîndanan de xo ver danê. Haştîye, demokrasî û tecrîd girêdaye yê. Heta tecrîd nêqedo merdim nêeşkeno qala demokrasî bikero.HDP do haştîye bîyaro.''

Wekîle Huda Kaya zî da zanayene ke cinîyî pîya xurtêr ê û do pîya zaliman bin bikerê. Kaya vat: ''Ma haştîye wazenê.''

Qiseykerdişan ra dima Koma Dîcle Firatî vejîyaye sehne ser.