Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) do vera îşxal û qirkerdişê serê Kurdîstanî, vera tecrîdkerdişê Rayberê Şarê Kurdî Abdullah Ocalanî paytextê  Fransa Paris de rayraşîyayîşê dergî yê 2 rojan bikerê.

TCŞ û TÊKO-JIN dîyar kerd ke ê venga şarî danê ke wa bi ruhê seferberîye tewrê rayraşîyayîşî bibê û vat: ''Şexsê Rayberîye de polîtîkayê tecrîdî yê vera Têgêrayîşê Azadîye yê Kurdan û şarê kurdî giran bîyê. Ganî tewirê şarê ma vera nê hêrişan zelal bibo.

Gerîlayê ke seba şarê ma şerêkê pîlî kenê, hêz û moralê xo yewîya şarî ra gênê. Nê esasî ser o tewrbîyayîşê rayraşîyayîşê Parisî do vera hêrişan bibo cewabêkê xurtî. Ganî şarê ma xo vîr a nêkero ke telafîya şerî çin a. Ma venga şarê xo, ciwananê kurdan û dostanê xo yê enternasyonelan danê ke wa dormeyê raştîye de bibê yew û tewrê nê têkoşînî bibê.''

Bernameyê rayraşîyayîşî wina yo:

30ê temmuza, saete 10.00

Adres:Avenue Henri Barbusse 93700 Drancy - Stalingrad / Paris

31ê temmuza, saete 12.00

Adres: 16 rue d’enghien, 75010 Paris - Place de la Nation