Çalakî hetê Yewîya Çalakîya Yunanistanî ra amî organîzekerdene û meydanê Akademîa de dest pêkerde. Çalakîye de posterê Rayberê Şarê Kurdî Abdullah Ocalanî, beyraqê KCK, PKK, HPG’yî û organîzasyonanê çepan ameyî kiriştene û sloganê sey “Biciwîyo xoverdayîşê zîndanan,” “Biciwîyo Serek Apo,” “Biciwîyo paştdayîşo şorişgêrî” û “Ocalanî rê azadîye” ameyî eştene.

Derheqê xoverdayîşê grevanê vêşanîye de vilawekî ameyî vilakerdene û sazîyanê mîyanneteweyîyan ra ame waştene ke tavilî bikewê mîyanê têgêrayîşî.

Çalakwanê ke verê Parlamentoyê Yunanistanî de rayra şîyî, verê Konsolosxaneyê Tirkî de mîtîngêk viraşt.

Dimayê deqayêk rêzgirewtişî marşê “Çerxa Şoreşê” ame wendene.

Bi nameyê Têgêrayîşê Ciwananê Şorişgêran aktîvîst Serhat Karayizî eşkerayîyêk daye û bale ante serê bêvengîya CPT’yî.

Metîn Tekînî bi nameyê Navenda Çanda Kurdistanî qisey kerd û vat, “Heta tecrîd nêqedîyo do grevê vêşanîye nêqedîyê. Heta Rayber Apo azad nêbo, do xoverdayîşê şarê Kurdî zî nêqedîyo.”

Peynîya çalakîye de derheqê grevanê vêşanîye de vilawekî ameyî wendene û çalakî bi qîrayîşê sloganan qedîyaye.