Çarçewa hamleya 'Tecrîd, Faşîzm, Îşxalî rê Bes o; Wext Wextê Azadîye yo'  ya KCKyî de şaristanê Gavle yê Swêdî de û şaristanê Torontoyî yê Kanada de çalakîyî ameyî kerdene.

Gavle

Meclîsê Şarî yê Gavleborgî garê trenî de vera tecrîdê Rayberê Şarê Kurdî Abdullah Ocalanî çalakîyêke kerde.

Çalakîkeran bi pankart û sloganan tecrîd şermezar kerd û azadîya Rayberê Şarê Kurdî Abdullah Ocalanî waşte. Eşkerayîye de venga welatanê Ewropa ame dayene ke vera tecrîdî bibê wayîrê tewirêkî.

Toronto

Şaristanê Torontoyî yê Kanada de Meclîsê Şarê Kurdî yê Torontoyî bi çalakîyêke tecrîdê vera Rayberê Şarê Kurdî Abdullah Ocalanî şermezar kerd.

Çalakîye de ame waştene ke Ocalan bêro vera dayene. Çalakîye de Darbeya 12ê Êlule zî ameye protestokerdene.