Paytextê Swêdî Stockholm de, Komîteya Rojawanî hemverê tecrîdkerdişê Ocalanî de çalakîyêk viraşte. Bi nê amacî serê pirî yo ke serê tunelê ver bi merkezê bajarî de yo pankarta “Ocalanî rê azadîye” amî daliqnayene. Çalakwanan heman wextî de dûyê rengê zergûn, sûr û zerdî kiriştî.

Çalakwanan beyraqa PKK’yî û flamayê ke resimê Ocalanî ser o estbî kirişti û ard ziwan ke heta tecrîd nêqedîyo do çalakîyanê xo bi qerardarîye bidomnê.

Graz

Bajarê Grazî yê Awusturya de seba paştdayîşê çalakwananê grevê vêşanîye mîtîngêk ame viraştene. Kurdistanijî Herrengasse de pêresayî û grevanê vêşanîye rê wayîr vejîyayî.

Mîtîng de pankartê bi nûşteyanê “Çalakîyê grevê vêşanîye yê seba Abdullah Ocalanî” û “Vernîya merdişê merdiman ê zîndananê Tirkîya bigêrê” ameyî wedartene.

Mîtîng de derheqê tecrîdî de û xoverdayîşê grevanê vêşanîye de vilawekî ameyî vilakerdene.