Kibris de Alpha News TV û Rojnameyê Alpha Newsî derheqê tecrîdê vera Rayberê Şarê Kurdî Abdullah Ocalanî de xeberêke manşetî ra daye.

Rojnamegere Elina Stamatiou xebara xo de bale ante ser ke Wekîlê Parlamentoyê Ewropa Loukas Fourlasî tecrîdê Îmraliyî berdo rojdemê Parlamentoyî.

Fourlasî vat: ''Welatêko ke Dewrê Mîyanênî ra mendo berê Ewropa ceneno. Tirkîya derheqê endambîyayîşê YE de babetê hewceyî qetî nêeştî. Tirkîya bi serran o seba ke Ewropa eqsê ci rê îqna bikera têgêrena. Tirkîya babeta pawitişê heq û azadîya însanan de gamêka avere nêeşte. Şertê waranê rojnamegerîye û edaletî Tirkîya de xirab ê.''

Fourlasî da zanayene ke Tirkîya de şertê nezaretî xirab ê û rojnamegerî yenê hedefkerdene.

Fourlasî dîyar kerd ke Rayberê Şarê Kurdî Abdullah Ocalan û tepişteyê Îmraliyî yê bînî bi serran o nêeşkenê keye û avûkatanê xo bivînê.