Hemserekê Pêroyî yê ÎHDyî Huseyîn Kuçukbalabanî bi wesîleya serrgêra Komployê 9ê Teşrîna Verêne ANFyî rê qisey kerd.

Kuçukbalabanî îfade kerd ke sîstemê tecrîdî yê Îmraliyî nika pêro zîndanan de bi tîpê bîrî ameyo awankerdene. Kuçukbalabanî vat: ''Meseleya kurdan heman wextî de meseleya heqanê merdiman a. Rewşa Abdullah Ocalano ke aktoranê girîngan ra yew o, meseleyêka heqanê merdiman a.''

Kucukbalabanî pare kerd ke bi Komployê Mîyanneteweyî ame waştene ke çareserîya meseleya kurdan bêra astengkerdene û vat: ''Komplo zî tecrîd zî ser nêkewt. Ewro fikrê Abdullah Ocalanî hetê dinya ra qebul benê. Tecrîd bi xo lingêkê komployî yo girîng o. Tecrîdo ke metodêkê îşkenceyî yo, qetî hende giran nêamebi caardene. Ewro pêro zîndanan de ma tesîrê nê tecrîdî vînenê. Vera tepişteyanê sîyasîyan caardişê keyfîyî zî est ê.''

Kucukbalanî vist vîrî ke Komîteya Wezîran a Konseya Ewropa kombîyayîşanê xo yê mabênê 17-19ê êlıle de derheqê caardişê heqê hêvîye de serrêke wext dayo Tirkîya û vat: ''Dezgehê mîyanneteweyîyî zî bi xo vanê ke pêvînayîşê keye û avûkatan ê bi Ocalanî yenê qedexekerdene. No îşkence yo. Meseleya kurdan heman wextî de meseleya heqanê merdiman a. Rewşa Abdullah Ocalano ke aktoranê girîngan ra yew o, meseleyêka heqanê merdiman a.

Çaresernêkerdişê mesele teyna rayîrê krîzan akeno. Dezgehê mîyanneteweyî verê tecrîdî de bêveng ê. No zî cesaret dano Tirkîya. Nika Tirkîya Rojawan û Başûr de vera kurdan şer de ya. Ganî nê şerî biqedê û haştîye bêra. Coka a raşte tecrîdê vera Abdullah Ocalanî vera demokrasîyê Tirkîya darbe ya. No tecrîd ganî cade bêro wedaritene.''