Komeleya Huqûqnasan a Seba Azadîye (OHD) ya Şubeyê Îstanbulî semedê Soydan Akayî yo ke Zîndanê Marmara de yeno tepiştene, Beyoglu de kombîyayîşê çapemenîye kerd.

Keyeyê Akayî tewrê kombîyayîşî bi ke ganî 12ê sibate de biameyêne tehliyekerdene la raya diyîne tehlîyeya ci ameye peydeeştene.

Avûkatê Akayî Bêrîvane Bekçî da zanayene ke Akay 2018î ra nata hucre de yeno tepiştene, pêvînayîşê avûkatan bi kamera yenê qeykerdene û vat na rewşe bi keyfî heqan binpay kena.

Avukate Bêrîvane Bekçî vat rixmo ke Akay wina biney kontrolî de yo Heyeytê Çimdarî û Îdareyî qerar girewt ke o hema 'pabesteyê rêxistina çekdare yo.'

Merdimanê Akayî zî peydeeştişê qerarê tehlîye sey cezakerdişê keyeyî zî name kerd û vat 30 serrî yo nê welatî de çîyêk nêbedilya û çend şino xirabêr beno.