Tekirdag de 24 endamê HDKyî ke ameybî destbendkerdene înan ra 21 kesî ameyî tepiştene. Hemvervatoxê HDKyî Cengîz Çîçekî vat, “Nê kesî semedê kurdkî û endamîya HDPyî ameyî sûcdarkerdene. Ma sond wanenê ke ma do nê sîstemî bibedilnê.”
Çarçeweya operasyonanê qirkerdişê sîyasîyî de 23ê gulane de xeylêk bajaran de seretişê keyeyan de 24 kesê ke endamê partîyanê pabesteyanê HDKyî yê ameyî destbendkerdene û ameyî berdenê Mudirîya Polîsan a Tekirdagî.
Nê kesan ra Servet Taşkin, Rahmi Diren, Cezmi Yaman, Turgut Haskan, Turgut Gokçe, Çetin Kale, Adnan Kurt, Ceylan Deniz Adıyaman, Senem Ozbey, Zubeyde Karaoglan, Mehmet Akyurek, Ayla Eroglu, Omer Faruk Kirniç, Aytekin Bulut, Ayşe Yolkesen, Hilmi Karaoglan, Seza Buyukili, Sinan Goksel û kesê ke nameyê înan nêameyî musayene bi îdîaya “endamîya rêxistene” ameyî tepişene û kesê bînî serbest ameyî veradayene.
Badê qerarê tepiştişî Hemvervatoxanê HDKyî Cengîz Çîçek û Esengule Demîr, avûkatan û keyeyan eşkerayîya çapemenîye daye. Cengîz Çîçekî vat, “Nê kesî semedê kurdkî û endamîya HDPyî ameyî sûcdarkerdene. Ma sond wanenê ke ma do nê sîstemî bibedilnê.”
Hetê bînî ra kesê ke Şirnex û Mersin de ameybî destbendkerdene înan ra zî 14 kesî bi îdîaya “endamîya rêxistene” ameyî tepiştene.
