Zulmê vera 16 rojnamegeranê kurdan ê tepişteyan nêqedîyeno. 12 rojnamegerê kurdî 7ê temmuze de Zîndanê Tipê Dyî yê Amedî ra sewqê Zîndanê Tîpê Fyî ameybî kerdene. Waya Omer Çelîkî Ebru Gorken birayê xo zîndan de zîyaret kerd û derheqê binpaykerdişanê heqanê tepişteyan de ANFyî rê qisey kerd.

Gorkene îfade krd ke roşanî ra verî tepişteyî sewqê Tîpê Fyî bîyê. Gorkene da zanayene ke 23 rojî yo îdareyê zîndanî televîzyon û dolaba cemedî nêdaya tepişteyan. Gorkene vat: ''Amed de germîye qasê 41 derece ya la dolaba cemedî nêdîyena înan. Kitabî zî bi hawayêkê perîyodîkî yenê dayene. Coka mi kitabî berdî.''

Gorkene pare kerd ke vera rojnamegeran rewşa bêhuqûqe hema zî dewam kena û vat: ''Omer reya hîrêyîn a tepişîyeno û her reye seba nasnameyê xo yê rojnamegerîye yeno muhakemekerdene. La o do nuştişê raştîyan û têkoşînî ra fek vera medo. Heyf ke nê welatî de feraset, feraseto verên o. Ez wazena birayê mi û embazê ey vera bidîyê.''

16 rojnamegerê kurdî 8ê hezîrane de Amed de ameybî destbendkerdene, 8 rojan nezaret de ameybî vindarnayene û 16ê hezîrane de zî ameybî tepiştene.