Wekîlê Partîya Çep a Keske yê Mûşî Sezaî Temellîyî  semedê şuxulnayîşê rayan û wayîrvejîyayîşê sindoqan veng da.

Temellîyî wina vat: "Şarê ma yo erjîyaye, ciwanî, heme kesê ke mexdûrê nê rejîmî yê, ma 14ê gulane de raya xo şuxulnaye, verê faşîzmî girewt. No hêzê ma bi. Ma hêzê xo mojna heme şaranê Tirkîya. Nika verê ma de tûrê diyînî est o. 28ê gulane de ma do reyna şiro sindoqan ser, hem zî dahîna jîhat.  Faşîzmo ke ma vindarna, narey ma pêro pîya rijnenê. Ma pîya eşkenê nê bikerê. No hêzê ma est o. Eke ma wayîrê rayan û sindoqan bivejîyê ma eşkenê faşîzmî birijnê. Xeyalê Erdoganî oyo ke tûrê diyînî de dîktatorîya xo înşa bikero. Ma do destûrê nê medê. Ma do pêro pîya na dîktatorîye birijnê. Coka  nika wextê ci yo ke  ma wayîrê raye, sindoq, ameyox, îradeyê xo bivejîyê.  Ma bêhêvî nîyê, hêz ma de yo, ma heqdar ê, ma do ser bikewê."