Ergîn Akdogano ke Zîndanê Tîpê Fyî yê Tekîrdagî de tepişîyayêne 14ê gulane de gêrîyabi amelîyatî. Vizêr mergê mezgê ey qewimîya. Şubeyê Îstanbulî yê Komeleya Huqûqnasan a Seba Azadîye (OHD) medyaya dîjîtale de da zanayene ke Akdoganî dinyaya xo bedilnaya.

OHDyî vat: ''Ergin Akdogan Zîndanê Tekîrdagî de rijîyayîşê gonîya mezgî ra wedarîya Nêweşxaneyê Çam Sakura yê Başakşehîrî û new rojan ra dima dinyaya xo bedilnaye. Prosesê sewqî de hem îdare hem zî hêzanê zîndanî astengîyî vetî, nêverda ke keye nêweşxane de Akdoganî bivîno. Zîndanî binê mesuldarîyê Wezîrîya Edaletî de yê. Coka mergê tepişteyan ra zî wezîrîye mesuldar a. Ma venga selahîyetdaran danê ke seba vergirewtişê mergê tepişteyan û pawitişê heqanê weşîya înan tedbîran bigêrê û mesuldarîyanê xo bîyarê ca.''