Hatîce Arat 2007 de Adana de bi îdîaya 'endamîya rêxistine' amebî tepiştene. Hatîce Arata ke 18 serrî yo zîndan de tepişîyayêne, Zîndanê Gebze ra vera dîyaye.

Îdarekar û temsîlkaranê DEM Partî, MATUHAY-DER, Têgêrayîşê Cinîyan ê Azadan û xeylêk kesan verê zîndanî de Hatîce Arat pêşwazî kerde.

Hatîce Arat da zanayene ke moralê tepişteyan berz o û ê do seba azadîya pêro tepişteyan têkoşînî rê dewam bikerê.

Arate bale ante zorbazîyanê vera tepişteyan ser û pare kerd ke ganî her kes paştî bido tepişteyan.

Hatîce Arat vist vîrî ke seba azadîya Rayberê Şarê Kurdî zîndanan de grevê vêşanîye dewam keno û vat: ''Merdimê ke fikranê xo ra semed tepişîyenê nê kerdişan heq nêkenê. Nika xeylêk zîndanan de grev dewam keno. Embazê ma bi moralêkê pîlî xo ver danê.''

Hatîce Arat keyeyê xo reyde ver bi Sêrtî kewte rayîr.