Zîndanê Kiriklarî yê Îzmîrî de 15-19ê hezîrane de tepişteyanê sîyasîyan vera tecrîd û binpaykerdişê heqan koxûşê blokê Byî di reyî da adirî ver. Dîya zanayene ke tepişteyê ke binê tesîrê dûyî de mendê, wedarîyayê revîrî.

Şubeyê Îzmîrî yê Komeleya Huqûqnasan a Seba Azadîye (OHD) ra avûkat Onur Can Aykutî derheqê babete de tepişteyan de qisey kerd û pare kerd ke tepişteyan seba ke kerdişanê xiraban protesto bikerê di teyî koxûş dayo adirî ver.

Aykutî pê hesna ke çalakîye ra dima îdareyê zîndanî aktîvîteyê sey sporî wedarnayê û tedaya xo zêdînaya. Tepişteyan dîyar kerd ke mudirê zîndanî destûr nêdano pêvînayîşan û cewab nêdano waştişnameyan.

Wina pawîyeno ke Hemserekê OHDyî yê Îzmîrî Şukrane Ozturk û welat Zeren û Avûkat Halîl Coşkun û Nehîre Bîlece tepişteyan de pêvînayîş bikerê.