Zîndanê Asayîşê Berzî yê Wanî de tepişteyî Şaban Tekîn, Botan Tîmur, Mert Ekîncî û Nazmî Aydin pê vîrusê Korona kewtî.

Dîya zanayene ke 4 tepişteyî nênê berdene bi nêweşxane yan zî revîrê zîndanî û têna antîbîyotîkê dejî dîyeno înan.

Tepişte Botan Tîmurî pê telefonî keyeyê xo de qisey kerd û înan rê qala rewşa xo kerde. Dadîya Tîmurî Aslihane Tîmura ke Nobeta Edaletî de ca gêna vat: ''Lajê mi hucreyê yewkesî de tepişîyeno. O vera vano 'Ez lerzîyena, bêhel a. Ma waşt wa ma berê doktorî la înan nêberd. Têna dermanê dejî da ma.' Ganî rêxistinê komelê sivîlî bi hîsgerî nêzdîyê tepişteyan bibê û seba tepişteyan xîret bikerê.''