Tepişteyo nêweş yo 70 serre Îbrahîm Akbabayo ke Zîndanê Girewteyî yê Tîpê Fyî yê Edîrne ra bi Sîstemê Resnayîşê Veng û Dîmenî (SEGBÎS) îfade dayêne krîzê zerrî girewt. Akbabayo ke Mehkemeya Girane ya Mêrdînî ya 3ine rê îfade dayêne, gama îfadeyî de krîzê zerrî girewt û cuya xo vîndî kerde.

Akbaba, tarîxê 6ê Kanûne 2017 de Zîndanê Girewteyî yê Tîpê Eyî yê Mêrdînî ra bi Zîndanê Girewteyî yê Tîpê Fyî yê Edîrne amebi sirgûnkerdene. 

Akbaba Sibata 2017î de ame tepiştene. Nêweşîyê ê yê dîyabet, zerrî û kataraktî estbî, amelyato akerde yê zerrî bibi û seba ke serra 2015 de felç vîyartibi nêeşkayêne destanê xo tam bişuxulno. Hetêna ra rîyê nêweşîya şekirî ra saqeyê ci amebi qesnayene û protez şuxulnayêne.