Tepişteyê PKK û PAJK’ijî grevê xo yê vêşanîye yo ke 134 rojî yo seba wedartişê tecrîdê serê Rayberê Şarê Kurdî Abdullah Ocalanî kewtîbî ci resna merheleyêka newî û qerar da ke bikewê rojeyê mergî. Eşkerayîya ke hetê tepişteyan ra amî dayene de nê ameyî vatene:

“Sîstemê modernîteya kapîtalîste yo ke derdê ci yê demokrasî û heqîqetî çino, beno sebeb ke cimat de kaos vejîyo labelê hetêna ra bi polîtîkayanê xo peynîya xo zî ano. Merheleya ke mat ede yê ramojnena ke şertê zîndanê Îmraliyî yê ke bi destê pawitoxanê sîstemê kapîtalîstî ameyê awankerdene bi temamî nê karakterê sîstemî dano teber. Vizêr hêzo ke zîndanê Îmraliyî de, ke bîyo îşkecexaneyêko bênimûne, hemverê Rayberîya ma de tecrîdêkê giranî bica ano ewro heman zihnîyet hetê heman sîstemî ra yeno dewamkerdene. Hemverê nê tecrîdo ke serê Rayberîya ma de yeno bicaardene çar perçeyê Kurdistanî de û Ewropa de xoverdayîşê bianorî yenê kerdene. Na merhele de ma sey tepişteyê PKK û PAJK’ijî yê ke zîndananê Kurdistan û Tirkîya de yê seba wedartişê tecrîdî 134 rojî yo grevê vêşanîye de yê, ma zanê ke qerardarîya ma hewnê faşîzmî xira kena.

Selahîyetdarê dewlete û TBMM seba demokratîkbîyayîşê Tirkîya û halkerdişê problemê Kurdan eke samîmî yo ganî tecrîdê serê Rayberîya ma wedaro û ê rê şertê azadî û xebata azade bêrê viraştene. La rixmo ke zîndanan de bi hezaran kesî grevê vêşanîye de yê hewna serekê TBMM’yî parlamentera HDP’yî ya Colemêrgî Leyla Guvene dir nêkewto temas û îradeyê şarî goşdarî nêkerdo.

Ma 30’ê Nîsane de Dest bi Rojeyê Mergî Kenê

Mîyanê nê rastîyan de ma hemverê hende bêhîsdarî û bêvengîye de qerar da ke grevê xo yê vêşanîye biresnê merheleyêka newî û 30’ê Nîsane ra tepîya ê açarnê Rojeyê Mergî. Ma sey tepişteyê PKK û PAJK’ijî bi peyrewîya xoverdayîşê rojeyê mergî yê 14’ê Temmuze wazenê ke tewirêkê lîyaqî ramojnê û ma do rojeyê mergî bi koordîne û bi heşmendî organize bikerê. Nê bingeyî de tebere nameyanê cêrînan de do grevê ma yê vêşanîy yê bêdem-bêagêrayîşî zî dewam bikerê. Seba gamanê bicaardişê waştişanê ma muxatab embazê ma yê ke zîndanan de grevê vêşanîye de yê û embaza ma Leyla Guven a ke serkêşîya nê xoverdayîşî kerdebî.

Netîce de ma wazenê bêro zanayene ke qetîyen ma do xo tewiranê şexsî yê fevrîyan ra dûrî bidê û bi terzêkê organîzekerdeyî tê bigêrê.

Goreyê nê 30’ê Nîsane 2019 ra tepîya;

Zîndanê Bakirkoyî yê Cinîyan ê Girewteyî de:

NESRÎN AKGULE,

ŞUKRAN AYDINE,

ZOZAN ÇÎÇEKE

Zîndanê Gebze yê Cinîyan ê Girewteyî de:

ARDIL ÇEŞME,

ASLI DOGANE ,

Zîndanê Wanî yê bi Asayîşê Berzî de:

AHMET ANIGI,

OZHAN CEYHAN,

VEDAT OZAGAR,

ÎHSAN BÛLÛT,

EROL ÇELÎK

Zîndanê Amedî yê Tîpê D’yî de:

ENGÎN AKHAN,

ENVER DURMAZ,

AHMET TOPKAYA,

A. HALUK KAPLAN

FERHAT TURGAY

Ma nê 15 embazî do dest bi çalakîya rojeyê mergî bikerê.

Ma bi heme zerrîya xo bawer kenê ke kîlîdê cuya demokratîk û azade Rayber Apo yo. Naye ra ma veng danê şarê xo ke Rayberîya xo rê wayîr vejîyê. Ma veng danê heme roşinvîr, nûştox, demokrat û akademîsyenan ke hemverê faşîzmî de xover bidê. Ma do serkewtişê xoverdayîşê xo tacîdar bikerê û qetîyen bi ser bikewê.”