Zîndanê Turkogluyî yê Mereşî de tepişteyan keyeyanê xo de bi telefonî qisey kerd û da zanayene ke ê raştê kerdişanê keyfîyan yenê, heqê înan yenê binpaykerdene û raştê tedayanê giranan yenê.

Tepişteyan vat: ''Leşker û gardîyanî bi têgêrayîşanê provakatîfan wazenê ke serebûtî vejê. Meseleya awe ameye çareserkerdene. Wexto ke ma benê revîr û nêweşxaneyî ma rê muayeneyo bikelemçe yeno ferzkerdene. Seba ke ma ney qebul nêkenê nênê dermankerdene û vera ma teda yena kerdene. Dest nîyeno heqê ma yê tedawî ser. Embazê ma yê ke no ferzkerdiş qebul nêkerdo, raştê îşkenceyî ameyî û erzîyayî hucreyan.''