Zîndanê Denîzlî de rewşa tepişteyê nêweşî Ekîm Polatî bena giranêr. Dadîya Polatî Songule Îlker seba ke lajê ci bêro tedawîkerdene verê zîndanî de çalakîya roniştişî dabî destpêkerdene. Çalakîya dadîye 3 rojî yo dewam kena.

Songule Îlker da zanayene ke seba ke tedawîya lajê ci yena astengkerdene a çalakîya roniştişî kena. Songule Îlker bale ante ser ke lajê ci 15 rojî yo grevê vêşanîye de yo û vat: ''Ganî her kes paştî bido na çalakîye. Heta ke tepişteyê nêweşî bêrê tedawîkerdene wa her kes goş bido nê vengdayîşî.''