Zîndanê Tarsusî yê Mersînî de wexto ke tepişte Îsa Gultekîn (66) nêweş kewt şi doktorê zîndanê. Doktorî ci rê vato tede dîyabet esto. Gultekînî dima dermanê dîyabetî xebitnayî la rewşa ci bîye giranêr û 25 kîloyî tira şîyî. Gultekîn dima wedarîya nêweşxane. Nêweşxaneyê doktorî eşkera kerd ke Gultekîn nêweşê kanserî yo.

Lajê Îsa Gultekînî Azîz Gultekînî ard ziwan ke babîyê ci 3 serrrî yo zîndan de yo û babîyê ci rê teşhîso xelet dîyayo. Azîz Gultekînî pare kerd ke teşhîsê dîyabetî ra dima înan îdareyê zîndanî ra waşt ke werdê dîyetî bidîyo babîyê ci la îdareyî red kerd. Keyeyê Gultekînî dima goreyê îmkananê xo Îsa Gultekînî rê lîsteya dîyetî amade kerde la Gultekîn mengêke de qasê 25 kîloyan zeîf bi.

Lajî waşt ka wa babîyê ci bêro weşkerdene. Avûkatê Îsa Gultekînî Mahmut Kaplanî zî da zanayene ke muwekîlê ci rixmê nêweşîya ci qoxûşê yew kesî de maneno û îdareyê zîndanî ey sewqê nêweşxaneyî nêkeno.