Zîndanê Amedî de tepişteyo nêweşê giranî Mehmet Emîn Ozkano 83 serre lajê xo Ahmet Ozkanî reyde 6ê kanûne de pê Korona kewt.

Dima ke rewşa Mehmet Emîn Ozkanî giran bîye 8ê kanûne de wedarîya Nêweşxaneyê Perwerde û Cigêrayîşî yê Gazî Yaşargîlî. Ozkan verî ke testê ci bibo negatîf 12ê kanûne de ame berdene bi zîndanî. Ozkano ke a roje ra nata zîndan de karantîne de yo 16 rojî yo weş nêbîyo.

Lajê Mehmet Emîn Ozkanî Nevzat Ozkanî pê telefonî babîyê xo de qisey kerd û da zanayene ke testê Korona yê babî û birayê ci reyna pozîtîf vejîyayî. Nevzat Ozkanî pare kerd ke babî û birayê ci heman odaya karantîna de manenê û babîyê ci vera kixeno.