Însîyatîfê Rojnamegeran ê Azadan (OGÎ) raporê îxlalkerdişê heqan ê serê rojnamegeran ê menga Kanûne eşkera kerd.
Rapor de ame vatene ke zextê hemverê çapemenî, sansur û astengîye bêmabên dewam kenî û rojnamegerî yenî destbendkerdene û tewqîfkerdene.
Goreyê raporî menga Kanûne de hêrişê serê rojnamegeran zêdîya û Tirkîya de pero pîya 173 rojnamegerî tewqîfkerde yê.
Ame vatene ke menga Kanûne de 9 rojnamegerî ameyî destbendkerdene û nînan ra 2 rojnamegerî ameyî tewqîfkerdene, 10 rojnamegerî ameyî muhakemekerdene, 2 rojnamegeran rê dewa ameye akerdene, 9 rojnamegeran rê cezaya pere û hepisî ameye dayene û erzîya serê buroya kovarêk.