Wekîlê HDPyî yê Dîlokî Mahmut Togrulî  Dîlokî ra ANFyî rê derheqê rewşa peyêne ya erdlerzî de qisey kerd. 

Tugrulî vat:  ‘‘Gere ma 2 çîyan ser o vinderê; êyê ke binê xirban de yê û êyê ke teber ra yê. Ma qeza bi qeza gêrayê, Bazarcix, Nurdagi,Îslahîye û dewanê înan ra gêrayê. Ma tespît kerd ke xebatê gêrayîş û xelisnayîşî de ekîbê pisporî hema nêrasayê herême. Şar bi destanê xo keneno ke hewl dano merdimanê xo bivejo. Şaro ke teber ra yo p:êro vêşan û têşan ê çunke herême de awe, ceyran, înternet çin o. Tewr muhîm zî seba ke bieşkîyê xo germ bikerê gaz çin o. Kes nêeşkeno xo germ bikero. Her kes teber de yo, êyê ke erebaya înan est a, erebaya xo de yê. Kes nêeşkeno hewcedarîya xo ya tûwalete zî bivîno.  Şar ma ra vat ke, herême de awe çin a, çadirî hema nêresayê herême. Gere bi lez û bez gaz, çadirî, nan û awe bêrê erşawitene.’’

Togrûlî vat:  ‘‘Binê xirabê erdlerzî de îqtîdarê AKP-MHPyî û dewlete zî mendê. Qet organîzasyêk çin o û hetkarîya şarê ma zî yena astengkerdene. Vernîya paştîyayewbînangirewtişî yê komelan de astengîyêka girde est a. Nê herêman de dramêke yena ciwîyayene.''