Tecrîdê serê Rayberê Şarê Kurdî Abdullah Ocalanî Ewropa de bi aktîvîteyanê cîya cîyayan yeno protestokerdene.

Bajarê Torîno yê Îtalya de seba protestokerdişê tecrîdê serê Ocalanî û paştîdayîşê çalakîya parlamentera HDPyî û hemsereka KCDyî Leyla Guvene aktîvîteyêk ameye viraştene. Aktîvîteya ke îtalyanijî zî tewrê ci bîyî de derheqê tecrîdî de ame qiseykerdene û vilawekî ameyî vilakerdene.

Bajarê Luzernî yê Swîsere de zî bi heman waştişî çalakîya xeyme ameye viraştene. Çalakîya ke rayberîya Meclîsê Cinîyan ê Arîn Mîrkanî de ameye organîzekerdene zaf eleqedarî ante xo ser. Çalakwanan bi vilawekan derheqê felsefeya Ocalanî û tecrîdî de zanayîş da.

Heto bîn ra bajarê Bernî de zî do siba seba wedartişê tecrîdê serê Ocalanî grevê vêşanîye bêro destpêkerdene.