Tuncer Bakirhan 3ê adare de Çewlîg de yo
Hemserekê Pêroyî yê DEM Partî Tuncer Bakirhan çarçewaya xabetanê vîjnayîşî de 3ê adare de do Çewlîg de şarî reyde bêro têhet.
Partîya Demokrasîyî û Têdûştîye ya Şaran (DEM Partî) Çewlîg de xebatanê vîjnayîşî yê 31ê adare bi coşê pîlî domnena. Bi tewrbîyayîşê Wekîlê Çewlîgî Omer Faruk Hulaku û namzedanê Şaredarîya Çewlîgî yê DEM Partî Aydin Burçun û Çîçek Ariç xebatî bêmabên dewam kenê.
28ê adare de Wekîla Mêrdînî Salîha Aydenîza ke Çewlîg de tewrê aktîvîteya cinîyan bîye, a zî tewrê heyetê DEM Partî ensafê şarî zîyaret kerdî û ke heyet raştê eleqeya pîle ame.
Ma ewro esnafê Çewlîgî zîyaret kerd. Çewlîgî de şarê ma hedre yo û biredar o. Çewlîg paweyê 31ê Adare yo! pic.twitter.com/DRQx2gLvDD
— Saliha Aydeniz (@Saliha_Aydeniz) February 28, 2024
Çewlîg de çarçewaya xebatanê vîjnayîşî de 3ê adare de do têhetameyîşê şarî bêro kerdene. Hemserekê Pêroyî yê DEM Partî Tuncer Bakirhan do Çewlîg de xîtabê şarî bikero.
Ca û saetê têhetameyîşanê şarî yê DEM Partî yê Çewlîgî wina yê.
Xoşkar: Saete 10.00 de verê banê DEM Partî yê bajarekî.
Kanîreş: Saete 12.00 de verê banê DEM Partî yê qeza.
Çewlîg: Saete 15.00 de verê banê DEM Partî yê bajarî.
