Partîya Demokrasîyî û Têdûştîye ya  Şaran (DEM Partî) kuçeyê Înonuyî yê Çewlîgî de boroyê xo yê vîjnayîşî akerd.Akerdiş de vengê slogananê  ''Ma do bi têkoşînî ser bikewê'' û ''Jin, Jiyan, Azadî'' bi berz.

Hemserekê DEM Partî û DBPyî yê bajarî, wekîlo verên Erdal Aydemîr, wekîlê bajarî Omer Faruk Hulaku û namzedê hemserekîya Şaredarîya Çewlîgî yê DEM Partî Aydin Burçun û Çîçek Ariç û xeylêk hemwelatîyî tewrê akerdişî bîyî.

Omer Fakurk Hulakuyî ke akerdiş de qisey kerd ard ziwan ke têkoşînê azadîye yê kurdan herêmî ra dest pêkerd û vat: ''Ma do Çewlîgî pîya bi şarê xo îdare bikerê. Çewlîg warê erdlerzî yo û ma nêwezanê bi talîmatê Anqara biciwîyê. Ma wazenê xo bi xo îdare bikerê.''

Namzeda hemserekîya şaredarîye Çîçeke Ariş zî vat, ''Ma do berenê Şaredarîya Çewlîgî şarî rê abikerê. Şarederî têna çar dêsî nîya ke ma  tede fatûrayan danê, do heme şarê Çewlîgî rê bêro akerdene. Ma do rî û rengê Çewlîgî bibedilnê. Çewlîg do bibo bajarêko ekolojîk. Ciwanê ma do herra xo de bi ziwan û kulturê xo biciwîyê. Ma sozê nê danê.''

Aydin Burçinî zî bale ante grevê vêşanîye yê zîndanan ser û vat: ''Ma soz danê şarê xo ke ma do peynîya talan, rant û dizdîye partîya îqtîdarî bîyarê. Ma sey DEM Partî partîye şar û hêvî yê. Ma do heme qeraranê xo pîya bi şarê xo bîgerê. Ma do destûr medê ke reyna hêvîya ma bêro diznayene.''

Badê qiseykeridşan akerdişê boroyî bi tîlîlîyan ame kerdene.