Cenazaya gerîlayê HPGyî agît Îpekî ra dima cenazaya gerîlayê HPGyî Mahsum Aslanî zî pê kargo erşawîyaye. Hemsereka ÎHDyî avûkat Ozturk Turkdoganî ANFyî rê qisey kerd û vera mesele nêrazîbîyayîşê xo mojna

Turkdoganî da zanayene ke verê huqûqî de sey pêro gandaran cenazayî zî têdûşt ê. Turkdoganî vat: ''Şima neçare yê ke qanûnan rê hûrmet bikero. Ganî cenazayî û gorî bêrê pawitene. No Qanûnê Ceza yê Tirkan de esto. Eke şima pê wesayîtî cenazayan şawenê o çax şima cîyakerî kenê. No goreyê madeya 130. ya Qanûnê Ceza yê Tirkan sûcê nefretî yo. Selahîyetdarê ke no nêzdîbîyayîş mojna ganî bêrê cigêrayene û muhakemekerdene.

Şima nêeşkenê pê kargoyî cenazayanê kurdan bişawê. No nefretê komelî keno pîl. Ganî hukmat destûr nêdo têgêrayîşanê winasênan. Nêzdîbîyayîşê winasênî kesî rê fayde nêkenê eqsê ci zerar danê her kesî. Ganî keyeyê ke maruzê nê kerdiman manenê muracatê ma bikerê û gerreyê mesuldaran bikerê. Ganî wekîlî zî na babete bivisnê rojdemî û hukmatî hîşyar bikerê.''