Kurdistanijo bi nameyê Mele Mûstafa Tûzak o ke 64 rojî yo bajarê Dûîsbûrgî yê Almanya de xoverdayîşê grevê vêşanîye de yo, qirkerdişê Helebçeyî serrgêra ci de şermezar kerd û vengdayîş bi Kurdistanijan kerd ke Newroze de bibê yew.
Xoverdayoxê grevê vêşanîye Tûzak serrgêra qirkerdişê Helebçeyî de ANF’yî rê qisey kerd û qalê ê demî kerd.
Tûzakî ard ziwan ke, seba ke verê polîtîkayanê qirkerdişî yê vera şarê Kurdan bêro girewtene, bi serkêşîya Leyla Guvene înan dest bi xoverdayîşê grevê vêşanîye kerdo û tarîxê Kurdanî de bale ante sere muhîmîya menga Adare.
Tûzakî vat, “Na Newroze reyde ma xêrca azadîye çîyêko bîn nêfikirîyenê.”
