Xeylêk şaristananê Vakurê Kurdîstanî û Tirkîya de bi beşdarîya bi hezaran kesan serkewtişê îradeyê şarê Wanî ame fîrazkerdene.

Amed

Amed de bi des hezaran kesan qezayanê Rezan, Sûr, Bajarê Nû û Peyasî de xoverdayîşê Wanî fîraz kerd. Hemşaredarê Amedî û qezayanê Amedî zî tewrê şayîyan bîyî. Şarî fîşekî eştî û pîya govende girewte.

Îdir

Taxa Cumhurîyetî de verê buroyê weçînayîşî yê DEM Partî de şayîyêke ameye kerdene. Bi taybetî cinî û ciwanî tewrê şayîye bîyî. 

Îstanbul

Qezaya Kartalî ya Îstanbulî de şarî bi govendan xoverdayîşê Wanî fîraz kerd. Şayîye de vera sloganê sey “Bijî Serok Apo”, “Berxwedan Jiyan e”, “Bijî Berxwedana Wanê” ameyî vatene.

Nisêbîn

Qezaya Nisêbînî ya Mêrdînî de zî xoverdayîşê Wanî bi coşî ame fîrazkerdene.