Dima ke Heyetê Weçînayîşî yê Berzî (YSK) Abdullah Zeydanî rê mazbataya ci îade kerde Wan de qasê 100 hezar kesan Parka Musa Anterî de xoverdayîşê îradeyî fîraz kerd.

Girseyî vera slogananê sey ''Bijî Berxwedana Wanê'' vat.

Hemşaredara Wanî Neslîhane Şedal şayîye de qisey kerd û îfade kerd ke ê do kuçeyanê Wanî çopanê qeyûman ra pakî bikerê.

Dima Abdullah Zeydanî xîtabê şarî kerd û vat: ''Wan cayê rûmet, şeref û heysîyetî yo. Şarê ma îradeyê xo pawit. Wanî mesajê xo da pêro dinya. Ez xoverdayîşê şima yê rûmetênî selam kena û sipas kena.''

Hemsereka Pêroyî ya DEM Partî Tulaye Hatîmogullari şayîye de ard ziwan ke nê xoverdayîşî ra dima ê do şarî reyde Wanî û şaristananê bînan newe ra awan bikerê.

Hemserekê Pêroyî yê DEM Partî Tuncer Bakirhanî dîyar kerd ke bi nê xoverdayîşî demokrasî, haştîye, azadîye û şarî do ser bikewê.

Hemserekê Pêroyî yê DBPyî Keskîn Bayindirî zî vat ke ê şaristanê xoverdayîşî Wanî ra rojbîyayîşê Rayberê Şarê Kurdî Abdullah Ocalanî fîraz kenê.