Serekê Partîya Kede ya Şarî (HEP) yê Amedî Vedat Aydin 5ê temmuza 1991î de amebi qirkerdene. Bi wesîleya Roşanê Qurbanan Aydin qezaya Sûrî ya Amedî de serê gorê xo de ame yadkerdene. 

Endamê MEBYA-DER, TUAY-DER, MED-DER, DBP, HDP û Partîya Çep a Keske û aktîvîstê TJA zî tewrê yadkerdişî bîyî.

Hemserekê HDPyî yê Amedî Zeyyad Ceylanî serê gorî de qisey kerd û pare kerd ke têkoşînê Aydinî ewro hetê bi mîlyonan kesan ra yeno kerdene.

Wekîla Partîya Çep a Keske ya Amedî Edalete Kaya vat: ''Têkoşînê Aydinî dewam keno la dewlete zî sîyasetê xo yê tarîyî rê dewam kena. Ma soz danê ke têkoşînê embazanê xo rê tim dewam bikerê.''

Birayê Vedat Aydinî zî qiseykerdişê xo de hêvî kerd ke no roşan wa bibo wesîleya azadîye û haştîye.

Dima girseyî qeranfîlî nayî gorê Aydinî ser.