Vera banê Partîya Demokrasîyî û Têtûştîye ya Şaran (DEM Part) yê Înegolî hêriş ame kerdene. Wextê hêrişî de endamêkê partî zî yo ke teberê banî de bi hetê hêrişkarî ra bi nalçixî ame  serebisernayene.

Namzedê Şaredarîya Bursa yê DEM Partî  Ihsan Seylanî ke derheqê hêrişî de medyaya sanale de eşkerayîye daye, hêriş şermezar kerd û nê vatî: ''No hêriş mojneno ke senî DEM Partî ra tersenê ke heme Tirkîya de bi namzedanê xo kewna weçînayîşî. Nê hêrişî nêeşkenê têkoşînê ma yê heqedarî vindarnê. Ma zaf hole zanê ke hêrişî çara yenê. Ganî îqtîdar û partîyê muxalefetî nê hêrişî şermezar bikerê ke samîmîyetê xo yê wa weçînitiş warê demokratîkî de bêro kerdene ramojnê. Ma do bi hewayêkê qerardar xebatanê xo yê weçînayîşî rê dewam bikerê.''