Serekîya Odaya Zîretî ya Amedî derheqê fîyatanê hêrînayîşê zadî de kombîyayîşêk kerd. Serekê Odaya Zîretî ya Farqînî Ahmet Cakan, Serekê Heyetê Rayberdişî yê Çukobirlikî yê Amedî Galîp Çakan û Wekîla DEM Partî Adalete Kaya zî tewrê kombîyayîşî bîyî.

Serekê Odaya Zîretî ya Amedî Suleyman Îskenderogluyî da Wezîrîya Zîretî fîyatê genimê meqarna kerdo 10 lîra, ê nanî kerdo 9,250 TL. Îskenderogluyî vat: ''Serrêke de benzîn se ra 108, sil se ra 45, fîyatê bezre se ra 75, fîyatê karkerîye se ra 100 zêdîyayo la zadî rê zem bi qîmî nêameyo kerdene. Nê şertan de mumkîn nîyo ke citkarê ma zîret bikerê. Seba ke zîret dewam bikero ganî hukmat sîstemî hol bikero.''

Adalete Kaya zî vat ke ê tim hetê citkaran de yê û ganî heqê keda înan bi qîmî bêro dayene.