Înîsîyatîfê Edalet û Hûrmetê Seba Merdeyan bi eşkerayîyêke bale ante ser ke dewleta tirke pê kerdişanê xo îşkenceyê şehîdan kena û venga pêro kesan da ke vera ney vengê xo berz bikerê.

Înîsîyatîfî vist vîrî de 1ê Êlule Roja Haştîye ya Dinya de cenazaya gerîlayê HPGyî Yilmaz Uzunî zereyê yew qutuyî de dîyaya keyeyê ci, leşkeran destûr nêdayo merasîmê cenaza, wendişê sela, şitişê cenaza û şînî. Înîsîyatîfî bale ante ser ke Şakîr Turano ke zîndan de dinyaya xo bedilnabî vera cenazaya ey bêhûrmetîye ameye kerdene.

Înîsîyatîfî vat: ''Ganî cenazayî goreyê usûlan bêrê definkerdene ke no teyna heqê merdiman ney erkê dewlete yo. Hetê bînî no seba cuya demokratîke ya pêroyî mecbûrîyet o. Seba awankerdişê haştîye ganî her kes goreyê ney têbigêro. Eke cenazayî mîyanê ablûqaya polîsan de bimanê, gorî bêrê texrîbkerdene, cenazayî nêrê keyeyan û zereyê qutuyan de bêrê dayene haştîye do nêra pawitene û awankerdene. Nêno qebulkerdene ke îşkence û muameleyê xirabî vera cenazayan bêrê meşrûkerdene. Ma sey înîsîyatîfî ney qetî qebul nêkenê. Ma venga pêro hêzanê demokrasî û azadîye da nê ke vera nê îşkence û hêrişan vengê xo berz bikerê.''