Kongreya Komeleyanê Demokratîkan ê Kurdîstanijan a Ewropa  (KCDK-E) vera hêrişanê îşxalî eşkerayîya nuştekîye daye û nê vatî:

"Îtîfaqo faşîst ê AKP-MHPyî yo ke hêrişê îmhayî yê topyekûnî yê vera kurdan de ser nêkewt, seba ke heme destkewteyanê kurdan werte ra wedaro bi hewayêkê qerardarî şerî domneno.

Dewleta tirke ya qirkere nê şerî bi hêzanê hemkaran  û welatênê herême ard merhaleyêka newî. Semedê nê heme xîretkerdişê provokasyonî û îmkananê xo şuxilnenê. Bi paştdayîşê PDKyî hêriş kenê û destkewteyan û azadîya kurdan hedef kenê.

Başûr û Şingal binê tehdîtî de yê. Dewleta tirke wazena Başûr û Şingalî îşxal û îlhak bikero û sey Efrinî qirkerdiş bikero. PDK sey destê raşrî yê dewleta tirke xebityeno û verê îşxalî akeno. Semedê nê heme îmkanê xo seferber kerdî.

Sewqîyato leşkerî yê ver bi Başûrê Kurdîstanî bi paştdayîşê PDKyî yeno kerdene. PDKyî berê fermîyî semedê îşxalî artêşa tirke rê akerdî, kontrol bi temamî teslîmê  artêşa tirke kerdo. Dewleta tirek hêrişanê îşxalî hîra kena û hedef kena ke Başûrê Kurdîstanî de îdareyî bîgêro dest.

Hukmatê Iraqî zî herinda vera dewleta tirke de tewirgirewtişî de bîyo tewrê polîtîkayanê îşxal û qirkerdişî yê dewleta tirke. No tewirê Iraqî zirar dano şaranê Iraqî zî.

Têgêrayîşê Azadîye yê Kurdan 40 serrî yo semedê ameyoxê azadî yê şaranê ma têkoşînê heqedar û meşrûyî keno. Destkewteyê şarê kurdî û erjê heme Kurdîstanî hedefê hêrişan de yê. Ameyoxê ma, herra ma û tarîxê ma hedefê hêrişan de yê. 

Ma veng danê  şarê xo vera hêrişanê îşxalî yê vera Başûrê Kurdîstanî, Şingal û waranê gerîlayan bibê seferber û her ca de çalakîyanê protestoyî bikerê. Ganî şarê me tehlukeyî bivîno û vera ci tewir bîgêro. Têna bi têkoşînî ma eşkenê herra xo bipawê ke semedê ci bi hezaran ganê xo da.''