Kampanya ke vera qedexeyê serê PKKyî dîyaye destpêkerdene Kibris de dewam kena. Welatperwero kur Îsmet Tîmurturkano ke Limasol de ciwîyeno seba ke PKK lîsteya terorî vejîyo 7 hezar îmzayî arêdayî.

Tîmurturkan o ke Pirsûsê Riha ra yo 18 serrî verî rîyê zextê dewleta tirke ra mecbûr mendo ke vejîyo teberê welatî. Babîyê 7 domanan Tîmurturkan nêweşê kanserê qesebaya sîyaye yo û semedê neqlî Îngîlstan de noyê xo paweno. Rîyê problemanê xo yê nêweşîye ra xabetan de aktîf nêbo zî 7 hezarî zafêr  îmazayî arêdayî. Tîmurturkanî ard ziwan ke Rayberê Şarê Kurdî Abdullah Ocalan û PKK şerê heqîqetî rayra benê û vat roje roja wayîrvejîyayîşê şerefîya û hedefê ey 10 hezar îmzayî.