Paytextê Îngîlîstanî London, bajarê Cenevere yê Swîsre û bajarê Krefeldî yê Almanya de vera qedexeyê PKKyî îmzayî ameyî arêdayene û derheqê Têgêrayîşê Azadîye yê Kurdîstanî de zanayîş ame dayene.

London de aktîvîstanê Jinên Xwendekarên Kurdistanê (JXK) da zanayene ke înan programê çalakîyan dayo destpêkerdene ke do her unîverstîte de bêrê kerdene. Ciwanan standê îmzayan de xelyêk îmzayî arê dayî û vat qedexeyê vera PKKyî polîtîk o û ganî cade bêro wedaritene.

Cenevre de her hefte hetê endamanê Merkexê Komelê Demokratîkî yê Kurdan û Înîsîyatîfê Cinîyan ê Sema Yuce ra kuçeyanê tewr sixletîyan de îmzayî yenê arêdayene. Vizêr reyna çarçeweya kampanya de îmzayî ameyî arêdayene. Çalakwanan vat heme dinya eşkera vînena ke eslê xo de dewleta tirke yê ke vera Kurdîstanî hêrişê îşxalkî kena,  terorîst a la çi heyf ke semedê menfeatanê xo çew çîyêk nêvano.

Çalakîya Krefeldî de zî standê îmzayan de seba ke PKK lîsteya terorî bêro vetene ame îmzayî ameyî arêdayene semedê tewrbîyayîşê çalakîya Dusseldorfî ya ke vera hêrişanê îşxal û tehdîtanê dewleta tirke yê vera Rojawanî do 23ê temmuze de bêro kerdene ame vengdayene.