Merkezê Komelê Demokratîkî yê Kurdan ê Bremenî Bratî E.V seba şermezarkerdişê sereştişê keyeyê V û tepişîyayîşê Kadrî Sakayî verê Parlamentoyê Eyaletê Bremenî de çalakîyêke kerde.

Endamanê Meclîsê Eyaletî zî paştî daye çalakîya şermezarkerdişî û tewirê mehkeme û polîsanê almanan şermezar kerd.

Nameyê Înîsîyatîfê Pawitişê Kurdîstanî ser o eşkerayîye dîyaye. Eşkerayîye de dîya zanayene ke Kadrî Saka bi qanûnê 129b yo ke nazîyan ra mendo tepişîya û wexto ke babete yena kurdan ser qanûnê nazîyan visîyenê dewre.

Hemserekê FED-DEMî Sebahate Ergîn çalakîya Bremenî de vat ke dewleta almanan dezgeh û welatperweranê kurdan krîmînalîze kena. Ergîne vat: ''Sîstemê Almanya yê vera kurdan versîyonêkê dewleta tirke yo. Coka ma venga selahîyetdaranê Almanya danê ke mebê şirîkê dewleta tirke, kurdan sûcdar mekê, destê xo komeleyanê ma ra biancê.''