Nobeta  Demokrasîyî ya Wanî verê bînaya merkez ê HDP'yî yê Artemêtanî de ameye viraştene, zafê şarê, wekîlî, endamê Meclîsê Cinîyan ê Sendîkaya Kedkaran a Pêro Şaredarîye û Îdareyê herêmî (Tum Bel-Sen) tewrê nobete bîyî.

Çalakîye de sloganê "Ma do pê xoverdayîşî ser bikewê", "Hemserekîye xeta ma ya mor a", "Qeyûm do şore, şar do bêre" ameyî vatene. Hemsereka Şaristanî ya DBP'yî Kawa Okkeşî qisey kerd. Okkeşî vat verba bêhuqûqîye ê do xo ver bidê. Endama Heyetê  Rayberdişî yê Merkezî yê Tum Bel-Senî Sati Buruncu vat qeyûm verba îradeyê şarî û demokrasîyî darbeyêk o. Endama Meclîsê Cinîyan ê Tum Bel-Senî Nafîfe Bayrak Tosu zî vat destsernayîşê qeyûmî darbe yo.