Hêriş herêma Erçekî ya mabênê Rêya Armûşî û Qelqelî ya Wanî de qewimîya. Mehmet Alî Nametogullariyo 20 serre  dima ke pê guleyanê leşkeran birîndar bi wedarîya Nêweşxaneyê Dewlete yê Wanî.

Rewşa weşîye ya ciwanî hema zî giran a.

Babîyê ciwanî Îskender Nametogullariyî derheqê mesele de wina vat: ''Lajê mi seba ke waka xo ya nêweşe zîyaret bikera şi şaristan. Rayîrî ra ey leşkerîye dîya û agêrayo. Dima ke dî leşkerî ey teqîb keno lajê mi dekeweno mîyanê dewêke. Wesayîtî ra vejîyeno û destê xo berz keno. Ver û peyî ra leşkerî guleyan erzenê. Peyî ra guleyêk dekeweno lajê mi. Dima zî o wedarîyeno nêweşxane.''