Wekîlê verênî yê HDPyî yê Wanî bi rayîrê ajansê ma venga şarî da ke wa vera xespkerdişê îradeyê xo tewirê xo bimojno.

Botanî pare kerd ke îqtîdar seba ke qesasê binkewtişê xo yê weçînayîşan bigêro îradeyê şarê Wanî xesp kerdo. Botanî vat: ''Îqtîdarî seke darbe kerda waşt ke îradeyê şarî xesp bikero. Wan de kurdan tarîx nuşt û dersêka pîle daye. Ferasetê îqtîdarê AKP-MHPyî vera ney kurdan rê komplo viraşt. Kurdî mecbûr nîyê ke tehamulê ney bikerê. Pêro merdimî ganî vera nê kerdişî vengê xo vejê. Na mesele teyna meseleya kurdan nîya. Xespê îradeyî teyna meseleyêka huqûqî nîyo; meseleyêka exlaqî û komelkî ya. Coka ma sey komelî vera ney vinderê. Wa şarê ma bi hawayêkê topyekûnî vera xespkerdişê îradeyê xo têkoşîn bikero.''