Hedefê Partîy Çep a Keske oyo ke Wan de 8 wekîlan zî bîgêro. Hemşaredarê HDPyî yê Elbakî Şengule Polat û  Hemşaredarê Artemêtanî Medenî vat sîtemo ke îradeyê şarî xesp kerd ê do 14ê gulane ey de bibedilnê.

Şengule Polata ke ANFyî rê qisey kerd, ard ziwan ke weçînitişê 14ê gulane semedê cinîyan û heme şaran zaf muhîm o. Polate nê vatî: “22 serrî yo ke no îqtîdar şarî rê zext keno. Ma sey Partîya Çep a Keske kenê ke nê sîstemî bibedilnê. Seba ke no îqtîdar cezaya giran nêdano qetilkaranê cinîyan, cinîyî tim yenê qetilkerdene. Ma cinîyî jîhat ê, eke ma hêzê xo bikero yew ma eşkenê bibedilnê. Ma pê Partîya Çep a Keske eşkenê ameyoxê xo newera înşa bikerê. Ma eşkenê pê îrade û hêzê cinîyan ser bikewê.” 

“Seba ke şar bi xo xoîdare mekero û sîstemê hemserekîye bêro çînkerdene hema hema pêro şaredarîyanê HDPyî de qeyûm ame cakerdene. Na vera îradeyê şarî darbe ya. No sîtemo ke îradeyê şarî xesp kerd ma do 14ê gulane de ey bibedilnê. 14ê gulane de do qala peyêne ma vajê. Seba ke ma 8 wekîlan zî bigêro gerek her kes raya xo bido û wayîrê sindoqan bivejîyo.”

Medenî Ozerî zî wîna vat: “Nê weçînitişê muhîm û yê qederî de gerek heme şarê Wanî şiro sindoq ser. Mevejê pê raya mi tiway nêbedilîyeno. Rayêke yena manaya zaf rayan. Semedê ameyoxê xo gerek her kes şiro sindoqan ser.”