Wayîra Xelata Nobelî ya 1997î û Sereka Xîretkerdişê  Cinîyan ê Nobelî Jody Williams derheqê tecrîdê serê Rayberê Şarê Kurdî Abdullah Ocalanî de Medya Haber TVyî rê qisey kerd.

Qiseykerdişê Jody Williams ra qismêk wina yo: ''Ez wextê şerê Vietnamî ra nata aktîvîsta haştîye, edalet û heqanê merdiman a. Xebatanê mi yê bi des serran de mi bale ante xeylêk binpaykerdişê heqan û sûcanê şerî ser. Meseleya kurdan meseleyêka gird a ke ganî sey meseleya mîyanneteweyî bêro destgirewtene. Ganî bi rêxistinan şiro Serekkomarê Tirkîya ser. 2019 de mi semedê tepişteyanê sîyasîyan ke grevê vêşanîye de mektubêk nuşt û eynî wextî de waşt wa tecrîdê serê Ocalanî bêro wedaritene.

Abdullah Ocalan 25 serrî yo zîndan de yo û binê tecrîdê giranî de yo. Erdoganî bi xo xîret kerd ke Ocalanî reyde semedê çareserî pêvînayîş bêro kerdene. Muzakereyê Ocalan û Tirkîya heta nuqtaya berze ameyî la Tirkîya hêrişê kurdanê Sûrîye û Iraqî kerd. Ganî dezgehê eleqedarî zafêr şirê Tirkîya ser. Ma 2019 de sey 50 kesanê wayîrê xelata Nobelî vera tecîrdî mektûb nuşt la çîyêk nêbedilya. Ma ewro  69 kesan mektûb nuşt. Ganî paştî bidîyo kampanyaya mîyanneteweyî ya semedê azadîya Abdullah Ocalanî. Ez zaf wazena ke pîya bi kesanê bînan ke wayîrê xelata Nobelî yê Ocalanî zîyaret bikerî ke o bizano ma paştî danê ci.''