Wayîrê îmtîyazî yê rojnameyê Ozgur Gundemî Kemal Sancili yo ke amebi veradayene,  seba ke sewbîna dewa ra cezaya ci qetî bîya reyna ame berdene bi hepisxane.

 Roniştişê dewaya rojnameyê Ozgur Gundemî, ke bi Qerarnameyê Hukmê Qanûnî (KHK) amebî padayene, virazîya. Dewa de endamê heyetê mişewreyê weşanî yê rojnameyî nuştoxe Asli Erdogane û ziwannase Necmîye Alpaye zî mîyan de 9 rojnamegerî ameyî muhakemekerdene. Roniştiş  Mahkemeya Cezaya Giran a 23. a Stenbolî de reya 12’ine ame viraştene. Roniştişî de Kemal Sancili û Hemraybera verên a Weşanî ya Pêroyî ya rojnameyî Eren Keskîne zî amade bîye. Konsolosê Almanya û Hollanda zî roniştişî de amade bîyî. Heyetê mahkeme derheqê Sanciliyî de qerarê verdayîşî da û roniştiş taloqê 3’ê Temmuzî bi. Labelê Sancile seba ke sewbîna dewa ra cezaya ci qetî bîya reyna ame berdene bi hepisxane.